現在不懂的以後你就會懂了

“你大個咗就明ga啦”下

尼句野有冇一種似曾相識的感覺？

細細個你問大人：“尼句野點解？”

細個聽唔明既歌詞、唔明既道理、知識、人與人之間既關係，同家人既關係，以及家的重要性。

今日又系忙碌既一日，做做下野，忽然自言自語，發現自己精神健康可能響警號啦。（真係唔可以日日訓少過5個鐘咯！）修煉過度，真係好容易收皮。冇錯，就系我地尼個網經常講個本功法，所以勸大家如欲修煉audit功法，敬請三思。

不過可能如果你有D friend同你同個門派一齊修煉會好D既。如果唔係，咩都自己黎就好容易好似我咁啦。自己坐，自己做，自己解，自己想，自己食飯，自己.....可能真係人既問題。

“從何時你也學會不要離群，從何時你也發現沒有同伴不行” - 《任我行 - 陳奕迅》

唔係功法本身有任何問題，而是修煉者自身的問題。不是每一個人都適合修煉此功法，所以我開始積極考慮換功法啦。唔得，就換啦。反正天下功法千千萬萬，只有你未見過既，沒有你練唔成既。加油，你可以的。

好似有D講遠咗。

家就系避風港。

每次做到累的時候，就好想返屋企。好似只有老豆老母願意聽你9噏咁耐，就算系好friend既friend，都總有暫停既時候。

頂級學堂比C你，可能是在勸戒你：“不要再修煉此功法了，你不適合！聽句勸吧！頂級學堂也就給你個爛grade，踏出學堂後你就要真正做啦，你有可能會走火入魔。”而模擬虛幻之境有容錯率的。修煉步驟錯了，沒關係！施法錯了，沒關係！改了就好了，頂多爛一爛grade就過去啦。

踏出去，做唔到？GG。

小則O一O T自己拆掂佢，大則Bye Bye。

我唔係度叫你點都唔好做XX。你明既。

尼門修煉功法固然有它的“好處” 。例如看多咗，更確定自己就知道自己真正鍾意既系咩啦。尼篇野比唔同人看，可能有唔同意見。

“人太年輕，有點幼稚。”

“尼份工就係咁既啦，你入黎之前唔做多D research？”

“咁廢ga，尼D修煉有手有腳就做得既，你唔係唔得嘛？”

的確工係我自己選既。真系冇得怨。

或許外面的世界都冇想像中那麼好，現實生活總讓人那麼累。人際關係的複雜性與理解我就唔講啦。尼D野唔係大個左就一定會明。而係遲D都可能唔明。

如果你由頭看到落尾，好多謝你願意看我廢噏。不過尼個網應該冇乜人知，無論點都好，多謝你。

“你大個咗就會明ga啦” “遲下就會明ga啦” “或許一輩子都不會明”

唔緊要啦，人生路系自己既，開心就得啦。

特別鳴謝：公司同事體諒我尼個怪怪地既人自言自語。

編者：凌晨fighter