【Audit9 湯水系列1】4步搞定最鮮甜好味又暖胃的粟米排骨湯

Audit9成日捱夜，好傷肝㗎，一定要飲返啲湯水補補佢。打份工啫冇必要搞到自己五勞七傷，所以小編特意請咗一個煲湯高手，整咗呢個【Audit9 湯水系列】，無論你係手殘黨，定係廚藝高手，相信你都可以喺短時間之內整到Audit9 補身湯水比自己、做緊Audit嘅男女朋友、老豆老母。

尼個粟米排骨湯真係好好飲！！！我更是連喝好幾碗都喝唔夠！排骨湯底鮮美中帶點清甜，排骨燉到軟爛脫骨，而且超級超級養胃，對身體補充營養和氣十分重要。

做起上黎超簡單！跟住我的做法4步就夠了，而且做出黎的湯底奶白又濃郁！喝完之後個身超暖超舒服！

食材

排骨250g，一條粟米，一條紅蘿蔔，適量白蘿蔔/淮山/蓮藕片/冬瓜/蔥/薑

步驟

第一步：將250g的排骨切塊 (都可以係肉檔叫老細切埋)，冷水下鍋落一勺料酒，大火煮開轉細火煮3分鐘，撈起來洗下佢，之後用厨房紙控乾水分。

第二步：洗一洗紅蘿蔔、粟米同其他配料，紅蘿蔔批皮，之後將佢切粒，粟米切塊。攞個兜擺起佢。

第三步： 倒少少油落個鑊度，落D蔥薑爆香佢，加入排骨翻炒到表面微黃，將第二步個兜野倒晒落去。

第四步： 加入約食材三倍的熱水，加1小勺醋，大火煮開，轉最小火燉1小時左右，加半勺胡椒粉，少量多次加鹽調到自己的口味就好啦！

⚠️Tips

1. 做排骨湯三部曲：1焯水2煎3燉

2. 記得焯水時用涼水，燉的時候要用熱水！

3. 一定要煎一下，排骨湯的顏色先會更好看！

4. 加醋可以促進排骨裡的成分溶在湯裡，湯底更鮮甜噢！

記住尼D就可以做出最好味的排骨湯啦！！！

希望可以幫到你地補身啦！想瞭解更多歡迎瀏覽Audit9 湯水系列 。

資料搜尋自網絡或筆者看法，僅供學習用途。請各位讀者閲讀前自行衡量風險，本文筆者及網站不對讀者閲讀前後的任何行爲負責。如有錯漏或任何問題，筆者及網站概不負責，並保留對文章更新和刪除的權力。本文純粹分享學習内容。如涉及版權問題，請版權持有人與我們聯絡，我們會配合及作出適當安排，不便之處，敬請原諒。